Kaajal se kaali Raat aati hain har Naarangi Shaam ke baad,
Khidki mein meri deti hain Dastaq,
Jaane kyun mujhe chune ki besabri use ley aati hain har Naarangi Shaam ke baad
Kuch kehti nahi hain Sunti hain bas,
Ghoorti rehti hain Sawaalon ki potli liye...
Woh Akeli nahi hain ab, nahi ghumti bewajha idhar se udhar..
Sajti sawarti hain har roz,
Jee churane aati hain har Naarangi Shaam ke baad
Kya hoga jab main naa rahungi, naa rahegi yeh azeem chahat Jismo se pare?
Kya woh phir bhi aayegi
Khandahar kamre ki Khidki pe dene Dastaq,
Har Naarangi Shaam ke baad?
No comments:
Post a Comment